GreatDaily

宅男殺手Theresa（傅穎）除了冧電車男有一手外，就連富貴公子林孝賢、台灣偶像敖犬都曾經中招，最新戰績，是已婚男羅仲謙。

本刊撞破兩人相約西貢出海，出到大海，Theresa同羅仲謙完全解除防範，更完全懶理同行、用以做擋箭牌的電燈膽，兩人毫不避忌鴛鴦戲水攬到實，又箍又抱，親熱度爆燈，就算浸在水中，都未能降溫。

攬住落水

Theresa同羅仲謙一行八人上遊艇出海，當日表面目的是為Theresa好友梁雨恩慶祝生日，但實際是爭取拍拖時間。

上到船，初時Theresa同羅仲謙都刻意保持距離，Theresa忙住陪梁雨恩傾偈切生日蛋糕，就算在船頂玩排球時，她與羅仲謙都沒有太多一齊，直到落水，本身做過救生員的羅仲謙

唔識游水的Theresa最後要羅仲謙陪住，先肯落水，其間二人已拖曬手，表現得十分親暱，落到水，羅仲謙用他粗壯的手臂攬住Theresa，任由她當自己是人肉水泡。一經埋身，兩人終於忍唔住，唔再避忌。

GreatDaily

纏綿暢泳

有羅仲謙攬住，Theresa早將老死梁雨恩忘記得一乾二淨，兩人仲愈浮愈遠，又不時頭貼頭，越攬越埋，其間，Theresa用手箍實羅仲謙條頸，旁若無人，完全是熱戀中情侶行為。

二人水中獨處一輪後，Theresa同羅仲謙終於歸隊，會合其他人玩香蕉船，同大家玩完一轉後，羅仲謙又要求同Theresa兩人再玩一次，一眾電燈膽識做無阻頭阻勢，一坐上香蕉船，二人胸黐背，羅仲謙從後壓住Theresa外，他的手更放在Theresa大髀上，之後仲玩到「反蕉」，羅仲謙馬上英雄救美，將Theresa抱番上船。

GreatDaily

GreatDaily

GreatDaily

GreatDaily

GreatDaily

全程羅仲謙對Theresa都特別照顧，玩完香蕉船後，羅仲謙親自幫對方剝衫（救生衣），而Theresa亦毫不避忌，當住對方面前抽bra，之後兩人又一齊在船尾一邊沖身，一邊打情罵俏，Theresa更忍唔住，冧到出手摸羅仲謙塊面。

暢遊五個鐘，大隊一齊返回西貢碼頭，一上岸，Theresa與羅仲謙又打回原形，即時戒備扮唔熟，並分頭離開。

沒圖沒真相 求真相